微醺 (已結業)

夜晚同男朋友去中環食飯，微醺呢個名好有詩情畫意。半熟吞拿魚春卷．他他醬半熟吞拿魚口感好似食緊牛舌或者豬脷甘，好特別，肉質軟腍，同脆口既春卷皮一齊食幾夾，好食。鮮蟹肉意大利雲吞．法式番茄清湯意大利雲吞包住滿滿既蟹肉、蟹籽、番茄，而番茄清湯味道清清地，好飲。烤慢煮煙肉西班牙豬柳卷用煙肉包住豬柳，煙肉走我鍾意既軟腍路線，豬柳亦唔韌唔鞋，好嫩又多汁，好美味。伴碟有番薯蓉、嫩甘荀、芥末籽蜜糖燒汁。黎到微醺一定要飲酒。My Cup of Tea係我飲過最好飲既cocktail，超有特色。右邊用左茶壺盛住熱酒，聞到陣陣茶香，飲落除左有茶味，亦有濃烈既酒味，越遲飲酒味會更出。飲完熱酒就要飲左邊既凍酒refresh下，充分滿陣陣花香，好易入口。Jumanji係濃濃既威士忌下飲到青瓜味，味道好清新，唔錯。