夏娃 (已結業)

上次黎飲過呢一間餐廳的德國麥啤，真係好好飲，所以今日心思思又想黎encore。我記得上次試了隻手工啤，味道唔錯，今次又試下第二D，試咗呢一隻修道院小麥啤，個Logo有個修士喺度都幾頂癮。呢一隻麥啤無上次嗰隻咁濃味，不過小麥味好香，而且因為淡味D，所以好易入口。野食方面就叫咗我最鍾意的德國豬手，呢間的豬手皮脆肉香，最緊要就係咬落去唔韌，唔會趙到牙較都軟晒，配埋德國啤酒，真係無敵。另外想讚一讚佢地個芥辣，係有一粒粒黑色籽嗰隻，出面通常求其比D黃芥辣你就算鬼數，不過呢一隻深黃色有一粒粒黑色籽的芥辣，同豬手好夾，好好味。