德國熱狗 (已結業)

德國熱狗－呢間舖已經比好多人介紹過架啦，唔知大家食左未呢？小妹係附近剪頭髮，平時都係叫外賣係salon入面食，但今次因為仲有時間，就親自去買啦！但好不幸，原來我去既時間岩岩係中學生放Lunch時候，所以人山人海呀。。舖入面大約6-8個位，仲勉強有2個企位既。雖然好多人，但個度既Staff 都好多禮貌，極讚！今次我食既係set三樣野，盛為 $46珍寶腸熱狗＋芝士，只要茄汁芝士落得夠豪，每食一淡都有芝士入口，正呀！其實店內有好多唔同肉類腸可供選擇，但小妹認為，熱狗都係應該要配珍寶腸先有口感雖然見佢廚房細細，但每個工序都仔細分配好。一有熱狗order，佢地先會烘熱個包。所以食入口，唔會係內熱外凍。跟餐可配薯條或者薯餅平時食開粗薯條，個日貪得意，轉食薯餅，但好似好油咁，下次都係食返薯條。