德國餐廳 (博文街) (已結業)

今晚我地係大角咀匯豐中心附近嘅德國餐廳食德國菜，餐廳名真係叫做德國餐廳😂🤣已經係第4次黎食德國餐廳，因為呢間餐廳抵食，又好食，而且可以飲到德國啤酒同德國豬手，味道同我係德國食過嘅好似！👍🏼👍🏼我地叫咗西班牙風乾火腿配凱撒沙律、德國香腸拼盤同埋鹹蛋黃豬手。西班牙風乾火腿配凱撒沙律。大碗完全裝滿嘅西班牙乾火腿同沙律，份量十分多！餐廳用咗靚嘅乾火腿，令我食整唔停口🤤🤤德國香腸拼盤。德國除咗啤酒外，最出名就係香腸。德國香腸比香港香腸好食好多！所以黎呢間餐廳一定要叫德國香腸！呢個拼盤有4種香腸，每種味道、口感都完全唔同，值得一試😍😍鹹蛋黃豬手。呢間餐廳整得重好食過德國，可能乎合香港人口味。餐廳將豬手皮炸得好脆，好似乳豬咁👍🏼👍🏼 肉質嫩滑多汁，推薦大家要黎試下！