德國百帝王啤酒雞煲主題餐廳

營業中

休息中

雖然疫情之下應留在家中避免傳染人或者被其他人傳染，不過話晒係長假期，個心真係飛咗出去，點都係想外出走走，唔去得遠都近近地喺附近行下啦。呢間餐廳其實我成日會幫襯，因為佢嘅麥啤生啤真係好好飲，出面好少地方見到有嘅，個老闆又好吹得兼飲得，飲大兩杯仲好搞笑架，吹水吹到無朋友，又話好多城中名人黎飲酒食飯，我問佢有邊個佢又講唔出，話總之好出名 XDDD，最後就話周中成日黎，我咪回敬佢一句︰「周秀娜黎先同我講啦XDDDD」不過老實講，佢嘅麥啤真係好飲，易入口，香麥味，真心爽，配豬手都真係唔講得笑。