利苑酒家 (城市花園)

營業中

休息中

今晚又來吃飯，想試下新菜色，唔食雞唔食鴨，又唔想食豬，Honey 唔食魚，咁即是要食牛啦。見到菜牌有德州煎牛柳，一於試下啦。經常來吃晚飯，當然要樣樣試下，不要一成不變，除了點德州煎牛柳，還點了金銀蛋莧菜，一葷一素，營養均衡，健康配搭，今晚人不算多，菜餚很快上台，德州煎牛柳好大好大碟，真是有點驚喜 。侍應姐姐來幫忙剪開牛柳，牛柳煎得香香地，不是全熟 ，但又不會太生，剛剛好。急不及待試下，牛柳鮮香柔軟，有啲脂肪有啲筋，但係就好好味，越嚼越香，吃不停口，要上好的食材才有這樣的鮮味，廚師功夫了得，不枉我們經常來幫襯。金銀蛋莧菜也好好食，莧菜嫩綠用上湯和金銀蛋煮， 特別惹味，兩個菜都非常出色，這一餐值90分，好好味。