影片
更多
2016-03-14
567 瀏覽
早兩個月先晌葵芳食完餐德國菜，晌老友吹雞下，今晚又再嚐嚐德菜滋味。而且，更可以同幾位耐無見嘅食友聚一聚，實在一舉兩「德」 ，聚餐地點，就晌銅鑼灣樓上鋪嘅Schnee，多謝老友嘅悉心安排，唔使小弟煩，帶個肚嚟就得喇 。由於喺樓上鋪，面門一定無地鋪搞到咁吸引，但一入到店中，倒有幾分德式古堡嘅模樣。紅磚牆、木餐枱、大木桶、黑盾牌、鹿頭……仲有甚有代表性之一嘅掛鐘。此外，地方夠大，枱櫈又排得唔密。枱上點着蠟燭，再配合埋燈光，晚上嚟都頗有氣氛。餐牌一白一黑，代表食物及酒精飲品餐牌。不過，今次相機出現少少問題，一影到內頁效果唔清，所以，未能影低作大家參考，請見諒 。不過，雖話打正旗號喺賣德國菜，不過，亦加入小許其他國家菜式。分類方面，包括：德國麵包、湯品、沙律、頭盤、德國香腸、傳統德國脆薯餅、主菜、意粉及飯、甜品、飲品及多款酒精飲品。 海鮮番茄清湯 $68 我哋點咗幾客湯品共享，初時無為意「清湯」二字，仲以為個湯會好紅，查實清澈見底。味道較清爽，以鮮清雞湯配上新鮮海鮮，如鮮蝦、帶子，讓唔多喜歡濃湯嘅食客有一個清新嘅選擇。 德國經典薯仔湯 $58 德國薯仔沙律喺以前好多豉汁西餐廳會
由於喺樓上鋪，面門一定無地鋪搞到咁吸引，但一入到店中，倒有幾分德式古堡嘅模樣。紅磚牆、木餐枱、大木桶、黑盾牌、鹿頭……仲有甚有代表性之一嘅掛鐘。此外，地方夠大，枱櫈又排得唔密。
枱上點着蠟燭，再配合埋燈光，晚上嚟都頗有氣氛。
餐牌一白一黑，代表食物及酒精飲品餐牌。不過，今次相機出現少少問題，一影到內頁效果唔清，所以，未能影低作大家參考，請見諒 。不過，雖話打正旗號喺賣德國菜，不過，亦加入小許其他國家菜式。分類方面，包括：德國麵包、湯品、沙律、頭盤、德國香腸、傳統德國脆薯餅、主菜、意粉及飯、甜品、飲品及多款酒精飲品。
海鮮番茄清湯 $68 我哋點咗幾客湯品共享，初時無為意「清湯」二字，仲以為個湯會好紅，查實清澈見底。味道較清爽，以鮮清雞湯配上新鮮海鮮，如鮮蝦、帶子，讓唔多喜歡濃湯嘅食客有一個清新嘅選擇。
德國經典薯仔湯 $58 德國薯仔沙律喺以前好多豉汁西餐廳會出現嘅沙律，德國經典薯仔湯小弟都喺第一次食。睇樣好似無咩特別，但味道實在，入口又唔覺得好寡，湯內有啲薯蓉碎，令個湯嘅口感幾特別。
傳統德國脆薯餅伴燴野什菌 $158 依一款脆薯餅喺餐廳推介嘅菜式之一， 絕唔喺晌麥記或全日早餐食到嗰款。除伴燴野什菌，仲有伴香煎三文魚和帶子蕃茄汁（$168）及伴烤什菜芝士忌廉汁（$158）兩款。店員介紹時，特別強調薯餅喺全人手做，將薯仔切成幼絲，混入薯蓉搓成餅狀煎香成金黃，故此，咬落綿滑嘅薯蓉中，有絲絲嘅脆口感，入口又唔會一口油，薯味突出自然 ；切成小件，伴點點燴什菌，食味更佳。
傳統德國脆薯餅伴燴野什菌
$158
15 瀏覽
1 讚好
0 留言
未嚟個德國豬手，先試試個德式「燒腩仔」，燒腩仔厚切成片，一件疊一件排列整齊。入口外皮脆到不得了，咔嚓聲此起彼落，脆到聽得到，而肥肉唔算多，再伴上酸椰菜，感覺絕對唔會覺得好「漏」，沾少少燒汁，味道就更惹味 ；薯條唔使多講，炸得唔油膩，已經唔會差得去邊。
燒德國豬腩仔配炸薯條
$188
17 瀏覽
1 讚好
0 留言
招牌脆皮燒德國咸豬肘伴酸椰菜烤燒薯角 $198 是日焦點，就喺德國鹹豬手，香噴噴嘅隆重登場！一件件切好晒嘅鹹豬手肉，方便食用，同樣伴有微酸嘅酸椰菜，以及燒得甘香嘅薯角；豬手皮做得好焦脆，色澤帶粉嘅豬手肉口感鬆軟，皮與肉之間帶微微膠質感，口感妙極，不負招牌之名 。
招牌脆皮燒德國咸豬肘伴酸椰菜烤燒薯角
$198
11 瀏覽
1 讚好
1 留言
黑松露意大利介子雲吞伴輕怡菠菜忌廉汁 $128 意大利雲吞包住菠菜蓉，再配上黑松露忌廉汁，香氣絕對無得輸，因為黑松露嘅氣味散發出嘅幽香，非常突出，而忌廉汁打得滑溜；至於啲意大利雲吞有少少咬口感，內裡嘅菠菜蓉細綿清新，估唔到德國菜以外，意大利雲吞亦做得相當不俗。
香焗蘋果金寶伴雲呢嗱汁 $38 店員介紹，佢哋啲「金寶」喺即點即製即焗，所以，入口既香脆，又鬆化，充滿牛油香；而下層滿滿蘋果肉，清甜、柔軟、芳香，齋食都已經覺得好味。
熱情雜果芝士餅 $48 初頭睇鬼錯，以為喺「熱情果」芝士餅，原來喺熱情「雜」果，即喺伴碟嗰一堆雜莓及龍珠果，而芝士餅喺芒果口味，整體賣相又幾靚、幾繽紛。味道上，件芝士餅又唔錯喎，消化餅底有些微厚，芒果芝士卻喺幾香滑。
德國菜一向予人平實之感，唔花巧，所以，今日所嚐到多道嘅菜式，都帶有依一種感覺。而且，味道的確有水準，算得上喺幾道得意之作，絕唔喺花拳繡腿 ！
張貼
