德美壽司 (裕民坊YM²)

營業中

休息中

朋友話想食日本嘢，今日黎到觀塘裕民坊，揀咗呢間cp值高嘅德美壽司。餐廳裝修以日式木系為主，用餐環境舒適。野菜牛肉鍋  $80野菜牛肉鍋內牛肉份量都幾多，配料亦唔少。鍋內有牛肉、溫泉蛋、甘筍、金菇同野菜。野菜牛肉鍋係壽喜燒湯底，牛肉煮得剛好，牛肉嫰口無羶味。野菜吸收左牛肉汁同湯汁，更覺鮮甜。烏冬  +$30另加一份烏冬，日本烏冬好滑好彈牙，配上壽喜燒甜甜湯底，更好食。大蝦天婦羅   $88天婦羅外層炸粉做到好薄身，大蝦大大隻，一口咬落去，大蝦新鮮且彈牙，唔覺唔覺好快食晒。煎鵝肝帶子卷 $92太卷 $76兩款菜式一齊上碟，擺盤好靚，兩款同樣有4大件。煎鵝肝帶子卷內有鵝肝、青瓜，飯卷外層再放上帶子同脆卜卜。鵝肝煎得好香，有鵝油香氣，而青瓜絲可減少油膩感，配上新鮮帶子同脆脆，做出多重口感。太卷有鰻魚、玉子、蟹柳、黃瓜絲，醃蘿蔔。食材雖然簡單，但足料又新鮮。