半熟工房 (金馬倫道) (已結業)

每次到尖沙咀，經過B出口，一望到半熟工房間鋪，就自自然然比佢吸左個人過去。唔洗任何理由，就算係去緊食飯都好，都願意掉低$22食個撻再去食飯。每次幫親，每次都滿滿笑容咁離開。今次食呢件暖暖地唔算太熱，但又不至於凍冰冰。味道仍然係非常好食！撻皮勁鬆化，香脆無比。即使唔係熱辣辣都可以保持到呢個質地嘅撻皮，真係抵讚呀！芝士軟心非常滑溜，好Creamy，份量又多，芝士香味在口中徘徊，勁正呀！！永遠都食唔厭，永遠都保持高質，正！