影片
更多
2015-01-23
515 瀏覽
今日諗住同朋友食扒餐既，但好似旺角乜野都食過曬咁，因為成日係旺角返學放學，行街不外乎係CWB,TST,MK(你懂的)，真係冇乜特別野好食，我亦都好少寫Open rice 各類型餐廳寫食評！今次哩間餐廳，真係令我破例。是日晚餐: $85 西冷扒+薯菜(非雜扒)，$15 心之町螺，$45 茄汁焗豬扒飯 (連加一就)149.5 今晚嗌左個西冷扒+薯菜 ($85)，牛扒7成熟，因為果日個肚吾太舒服，唔想食太生，應該食5成熟，再係個鐵板到煎多幾下，而薯菜都唔錯，但係鐵板太耐，或者部份比牛扒壓住，明顯有深黑色既黑邊位。但大體上牛扒勁有肉汁，食落口感滑滑地(7成熟都可以做到咁 真係勁)，而薯菜就爽口，比m記好dd咁。($85扒餐 先有 +$15換購->)心之町螺，唔洗大家食到殊殊聲果種，佢用薯蓉同一早挑左個螺肉出黎焗，所以可以一啖食落肚，不過都幾飽下，同埋要襯熱食，因為凍左既薯蓉差好遠，所以要睇大量食量，15蚊有6舊薯蓉+螺用！十分抵食。(正價好似要$28)反而個茄汁焗豬扒飯，真係令我有D驚奇，因為平時食都係好平涼，冇乜特別，口感一般，乾巴巴的，但心之町個個豬扒飯唔太乾，豬扒有口感，雖然有紅
是日晚餐: $85 西冷扒+薯菜(非雜扒)，$15 心之町螺，$45 茄汁焗豬扒飯 (連加一就)149.5
今晚嗌左個西冷扒+薯菜 ($85)，牛扒7成熟，因為果日個肚吾太舒服，唔想食太生，應該食5成熟，再係個鐵板到煎多幾下，而薯菜都唔錯，但係鐵板太耐，或者部份比牛扒壓住，明顯有深黑色既黑邊位。但大體上牛扒勁有肉汁，食落口感滑滑地(7成熟都可以做到咁 真係勁)，而薯菜就爽口，比m記好dd咁。
($85扒餐 先有 +$15換購->)心之町螺，唔洗大家食到殊殊聲果種，佢用薯蓉同一早挑左個螺肉出黎焗，所以可以一啖食落肚，不過都幾飽下，同埋要襯熱食，因為凍左既薯蓉差好遠，所以要睇大量食量，15蚊有6舊薯蓉+螺用！十分抵食。(正價好似要$28)
反而個茄汁焗豬扒飯，真係令我有D驚奇，因為平時食都係好平涼，冇乜特別，口感一般，乾巴巴的，但心之町個個豬扒飯唔太乾，豬扒有口感，雖然有紅椒同青椒，但配合個醬汁都係一個唔錯，同埋$45好似係食極都有，仲抵食過大家樂果D $4X蚊既一哥焗豬扒飯，雖然連加一，哩個豬扒飯都成$50蚊架！
最後不得不讚既真係地方同服務態度，最岩情人去談心，傾計既，我地食左都差吾多１個幾鐘頭，隔離枱過成半個鐘先叫野食都冇問題，可能個日人客少吧，因為全場大約有３０張枱，但得８枱有客，所以冇好似出名澳Ｘ牛Ｘ公司咁，一黎就乜食咩，態度好到不得了咁（反義），同埋員工態度／老闆態度都勁好，加上上菜速度都幾快！
食曬成餐，估吾到仲有雪糕食，雪糕既牌子本身以為雀巢，但食落唔似，行去洗手間先知係阿波蘿！
題外話/補充資料：
唔建議食２人套餐
配料有４種 薯菜 心之町螺 雜菜沙律 同唔知咩
湯２個雜菜湯
主菜扒餐一份（指定）（冇乜好揀因為得西冷薄牛（係薄））自己決定
另外飯就石頭窩飯 ３個都差吾多
最後有香蕉船雪糕
同哩間鋪有男女洗手間，男洗手間衛生中上啦
女廁吾清楚!
(以上食評乃用戶個人意見 , 並不代表OpenRice之觀點。)
張貼