影片
更多
2017-03-06
901 瀏覽
香港地方小小，但就係好多人心見中的美食天堂，而我都好認同呢個講法，身為香港人，又鐘意食野，香港絕對可以滿足到我每個星期都試不同的餐廳，各種菜色要乜有乜，日式鐵板燒係我其中一款喜愛菜色心鉄板燒座落於尖沙咀，很是方便，餐廳有維港景色，一上到餐廳就見到門口櫥窗擺放左唔少高級肉類，未食已經令我好期待食日式鉄板燒其中一樣最吸引的事情就係可以一路食一路睇住師父表演，又可以同師父交流一下飲食心得，包保無悶場今晚我地揀左鐵板燒特選二人套餐($1680)，呢度連素食套餐都有，照顧到唔同客人的需要明太子海藻沙律平時好多餐廳的沙律都係室溫咁，令人食落感覺唔太好，但呢碟沙律就夠晒凍，有兩款海藻配上明太子同新鮮生菜意大利多士多士上枱時店員提醒可以等埋湯先一齊食，多士上的係蕃茄沙沙，食落有淡淡紫蘇葉味道龍蝦湯湯有三款選擇，分別係龍蝦湯、松露蘑菇湯、蟹肉西洋菜忌廉湯，我地兩個都揀左龍蝦湯，湯裡面有數塊大大件龍蝦，而且湯頭濃，飲完一碗好想再ENCORE南非大鮑魚配正油牛油呢個餐廳有個缸養住海產，有好多大鮑魚同龍蝦，海鮮係煮食之前先拎出黎清潔，夠晒新鮮，睇住師父將新鮮大鮑魚去殼，慢慢煮熟，再用純熟的手勢將其切片，鮑魚有
心鉄板燒座落於尖沙咀，很是方便，餐廳有維港景色，一上到餐廳就見到門口櫥窗擺放左唔少高級肉類，未食已經令我好期待
食日式鉄板燒其中一樣最吸引的事情就係可以一路食一路睇住師父表演，又可以同師父交流一下飲食心得，包保無悶場
今晚我地揀左鐵板燒特選二人套餐($1680)，呢度連素食套餐都有，照顧到唔同客人的需要
明太子海藻沙律平時好多餐廳的沙律都係室溫咁，令人食落感覺唔太好，但呢碟沙律就夠晒凍，有兩款海藻配上明太子同新鮮生菜
意大利多士多士上枱時店員提醒可以等埋湯先一齊食，多士上的係蕃茄沙沙，食落有淡淡紫蘇葉味道
龍蝦湯湯有三款選擇，分別係龍蝦湯、松露蘑菇湯、蟹肉西洋菜忌廉湯，我地兩個都揀左龍蝦湯，湯裡面有數塊大大件龍蝦，而且湯頭濃，飲完一碗好想再ENCORE
南非大鮑魚配正油牛油呢個餐廳有個缸養住海產，有好多大鮑魚同龍蝦，海鮮係煮食之前先拎出黎清潔，夠晒新鮮，睇住師父將新鮮大鮑魚去殼，慢慢煮熟，再用純熟的手勢將其切片，鮑魚有咬口，充滿牛油香
火焰清酒煮蜆煮呢道菜的時候，點著了清酒令酒精蒸發，剩下的就只有清酒的香，呢道菜有少少辣，配上蒜片同碎蔥，蜆煮得剛好，蜆肉大大粒
季節野菜連簡單的野菜用牛油燒香都特別美味
日本神戶黑豚厚燒主菜有兩款選擇，神戶黑豚或和牛，和牛食得多，神戶黑豚比較少見，可以選擇厚燒或薄燒，店員介紹左兩種食法，可先食豚肉再食旁邊的蘋果蓉清味蕾，或者將兩者一齊食，兩款食法有不同的感覺
升級小女子炒飯我特別喜歡食鐵板燒的炒飯，鐵板的熱度能夠將飯炒得夠乾身，而且粒粒分明，小女子其實即係白飯魚，先用味醂同醬油醃三小時，另外仲加入小黃瓜、蔥花、昆布，我一口接一口的不停吃
炒野菜估唔到食完炒飯之後仲可以食多一次炒野菜，有少少清味蕾之效
等甜品黎之前再次奉上熱毛巾清潔雙手，很是細心
是日雪糕配香蕉法式吐司雪糕有三款選擇 - 原味、綠茶、柚子雪葩，食左咁多燒物之後，揀個柚子雪葩清新一下就最岩，柚子雪葩柚子味濃，香蕉法式吐司外表脆脆，配上新鮮香蕉很配合
我平日黎食都座無虛席，店內位置不太多，建議大家想黎食的話，記得要訂座喔
張貼
