影片
更多
2021-01-13
44 瀏覽
紅磡美食系列（九）紅磡，黃埔，土瓜灣，真係環環相連，呢三個地區真係好多美食，我住紅磡，就啱啱係黃埔同土瓜灣中間，就算行都係10鐘左右，真係好方便。😚😚😚紅磡，黃埔嘅餐廳就介紹得多，今次就去吓土瓜灣發屈吓新嘢食，老公話之前睇到有人介紹呢間餐廳，已經好想去試，所以今次就滿足佢，就去試一試啦！😍😍😍Pizza Monster HK 薄餅怪獸地址：土瓜灣馬頭圍道418號樂意居地下2號舖秘制燒豬排骨 $137我真係覺得冇叫錯，先講份量，真係唔細，仲要叫做多嗰隻，嚟到上枱已經聞到好香，薯條份量又唔少，全部都係熱辣辣咁上枱，一咬勁多肉汁，肉質好嫩，唔會燒過龍變成好乾，香草味好正，呢個真心推介👍👍👍因為即叫即整，呢個講明需要等30分鐘，所以大家想食一定入到去叫咗先，再慢慢諗食其他啦！😋😋😋熱情如火 （細批）$65店員姐姐行過嚟問我哋想食乜？我話我哋仲諗緊，姐姐好好咁問我哋有乜唔食或想食，我哋話想食d辣嘢，佢就推介我哋食呢個Pizza同燒雞，Pizza係有墨西哥辣椒，所以食落係有少少辣，外觀心型Pizza，夠特別，Pizza邊都好脆，就算我有一件凍咗我最後先食，個批邊同底都仲脆嫁，最重要佢嘅芝士真係做到
紅磡，黃埔，土瓜灣，真係環環相連，呢三個地區真係好多美食，我住紅磡，就啱啱係黃埔同土瓜灣中間，就算行都係10鐘左右，真係好方便。😚😚😚
紅磡，黃埔嘅餐廳就介紹得多，今次就去吓土瓜灣發屈吓新嘢食，老公話之前睇到有人介紹呢間餐廳，已經好想去試，所以今次就滿足佢，就去試一試啦！😍😍😍
Pizza Monster HK
薄餅怪獸
地址：土瓜灣馬頭圍道418號樂意居地下2號舖
秘制燒豬排骨 $137
我真係覺得冇叫錯，先講份量，真係唔細，仲要叫做多嗰隻，嚟到上枱已經聞到好香，薯條份量又唔少，全部都係熱辣辣咁上枱，一咬勁多肉汁，肉質好嫩，唔會燒過龍變成好乾，香草味好正，呢個真心推介👍👍👍
因為即叫即整，呢個講明需要等30分鐘，所以大家想食一定入到去叫咗先，再慢慢諗食其他啦！😋😋😋
熱情如火 （細批）$65
店員姐姐行過嚟問我哋想食乜？我話我哋仲諗緊，姐姐好好咁問我哋有乜唔食或想食，我哋話想食d辣嘢，佢就推介我哋食呢個Pizza同燒雞，Pizza係有墨西哥辣椒，所以食落係有少少辣，外觀心型Pizza，夠特別，Pizza邊都好脆，就算我有一件凍咗我最後先食，個批邊同底都仲脆嫁，最重要佢嘅芝士真係做到拉絲，好味😃😃😃
燒雞（麻辣味）$18
麻辣味係香嘅，夠麻，有辣味，但因為口味比較重，所以唔係太食到雞味，而其中一件比較鞋口，可能係部位門題啦！😄😄😄
肉醬意粉 +熱咖啡 （下午茶）$39
意粉軟硬適中，唔太淋，唔太硬，啱啱好，肉醬汁好香濃，汁雖然係勁，但可能我鐘意汁多少少，所以多少少汁就完美啦🤣🤣🤣
冰即磨咖啡 $23
熱/凍咖啡夠香，唔會太淡，哈哈，我對咖啡唔太多研究，我只係唔鐘意飲帶有酸味嘅咖啡，所以我覺得呢杯係ok嘅。😅😅😅
張貼
