翔壽司 (已結業)

壽司店嘅格局類似立食店，座位圍住壽司吧，午市套餐以丼飯同埋壽司為主～刺身壽司盛盒🍱刺身有一隻赤蝦、三文魚同油甘魚各兩件，赤蝦大隻爽口，雖然三文魚唔係魚腩部位，但係都夠肥美，重點係切得厚身！壽司方面有赤身、左口魚邊、真鯛、魴鮄、帶子各一件，數件壽司已包含咗赤身魚、白身魚、貝類，頗為全面，亦有炙燒嘅左口魚邊🐟依個set既可以食到大大塊厚切刺身，又可以食到手握壽司，心大心細揀唔到食邊個餐嘅話，刺身壽司盛盒就可以滿足到兩個願望，跟餐有沙律同埋面豉湯，需加一服務費。