影片
更多
2009-09-22
18 瀏覽
同男友食完放題, 食左極多咸野..雖然飽到嘔,但都本住「食甜品係另一個胃」既大條道理, 走去搵甜品食....記得星期六日睇過頭條有介紹呢間新甜品鋪, 即管試試~~身為朱古力愛好者, 二話不說已經叫左兩樣朱古力野 - 心太軟&brownie伴雪糕先講心太軟:一上枱睇到佢個樣就覺得好好笑, 因為好似個月餅咁, 圓looklook咁, 又係手心咁大個, 好得意~ 當我仲0係到左影右影既時候, 阿姐姐就提我們趁熱食會好味0的, 我地就拿拿臨拎隻叉吉落去. 但原來個皮真係勁薄, 即刻流晒出黎 (當然..我仲0係到影緊未食) 終於食第一啖, 好味!!~0的朱古力味夠濃, 0的漿真係近似liquid狀,佢入面仲係有粒似梅/車厘子,有0的酒味, 所以甜中帶少少酒味加酸味, good~!~再講brownie:其實我食完個心太軟已經好飽, 對個brownie都係食左1/4, 其餘由男友掃晒. 我個覺得舊brownie都唔錯, 但可以再硬身少少, 咁會再好味0的!!再講椰果子:等野食期間, 姐姐俾個碗細細既野我地試食, 話係迷你椰果子 (但我唔記得影相..)個外形好似透明jelly 加椰汁.但食落好好味呀!
身為朱古力愛好者, 二話不說已經叫左兩樣朱古力野 - 心太軟&brownie伴雪糕
先講心太軟:
一上枱睇到佢個樣就覺得好好笑, 因為好似個月餅咁, 圓looklook咁, 又係手心咁大個, 好得意~ 當我仲0係到左影右影既時候, 阿姐姐就提我們趁熱食會好味0的, 我地就拿拿臨拎隻叉吉落去. 但原來個皮真係勁薄, 即刻流晒出黎 (當然..我仲0係到影緊未食) 終於食第一啖, 好味!!~0的朱古力味夠濃, 0的漿真係近似liquid狀,佢入面仲係有粒似梅/車厘子,有0的酒味, 所以甜中帶少少酒味加酸味, good~!~
再講brownie:
其實我食完個心太軟已經好飽, 對個brownie都係食左1/4, 其餘由男友掃晒. 我個覺得舊brownie都唔錯, 但可以再硬身少少, 咁會再好味0的!!
再講椰果子:
等野食期間, 姐姐俾個碗細細既野我地試食, 話係迷你椰果子 (但我唔記得影相..)個外形好似透明jelly 加椰汁.但食落好好味呀!!好香椰青水味 又好爽口。眼闊肚窄既我堅持要試埋呢個椰果子原裝版 (當心太軟同brownie都上左枱先知死...) 所以叫左個栗子椰果子~~ 原來佢真係成個椰青上枱, 我仲以為張相只係「提供參考」tim..好好味, 0的栗子蓉好香, 但重點係0的透明jelly 連埋入面0的椰青肉一齊食先正!!~~好好好好味, 呢個一定要再試!!
p.s. 返到屋企心思思自己買左個椰青, 搵0的椰青水黎想做0個0的透明jelly..點知..唔知點解好實..都唔似人地0個0的咁爽..都係出去食算..
張貼
