3rd Space (已結業)

前幾日本來約咗朋友晏晝嚟食呢間cafe，點知起身竟然遇著黑雨。終於等咗幾日天色明朗，即刻叫朋友陪我去食我心心念念嘅pancake。睇完餐牌之後，我哋叫咗嘢飲，一個鹹點同一個甜點，上菜速度都算幾快。🐷24小時浸煮鮮豚肉角煮慢煮蛋穀米茶漬飯～鮮豚肉角肥瘦均勻，慢煮蛋穀米有咬口幾健康，加埋粒溫泉蛋成件事非常滑，滑得黎有口感，而且調味幾清新特別，第一啖食落去有啲濃，但係加埋茶漬落去之後就啱啱好，食完有飽肚感，但無好飽膩。🥞日本宇治抹茶pancake～呢個pancake一如以往地高顏值，宇治抹茶微微甘苦，正好平衡雪糕甜味，加埋中間嘅軟糯麻薯，完全係令人欲罷不能。而且好iGable，見到幾乎台台都叫呢款pancake甜品，係正。飲品方面✨鮮菠蘿醬薄荷梳打～香香甜甜又帶點天然果酸，感覺好夏日消暑，幾適合夏天飲。✨皇室伯爵鮮果茶～好清新解膩，仲帶少少果香，不錯。整體黎講食物質素都幾高，而且d野好靚，可以encore。唯一係店員如果可以笑多啲😆，咁就更親切更完美啦。