第一郡

營業中

休息中

一直以黎第一郡係深水埗已經好多人排。曾幾何時未紅既時候食過一次，記憶中既大紅茄令我念念不忘。所以當知道有第二間鋪決定去食，雖然要排🙂番茄🍅蟹膏湯檬：個湯底唔係番茄醬🥫溝出黎既味道，會食到番茄自然既甜味，同埋個湯好香蟹味，而檬粉、豆卜、豬紅都好索湯，所有野夾埋好豐富，真心好好味。大個先知原來塊蟹膏，係蟹肉絲+蛋打發出黎，扮緊蟹:0)豬肉撈檬：燒豬肉唔乾柴，本身已經加咗撈檬酸汁，食落酸酸甜甜，同埋真心好多配菜好健康。牛油果沙冰：個人中意漿口既牛油果質感，打奶打出黎細滑濃厚；朋友叫既鳳梨沙冰果感味重，唔人造，幾清新～出名既綠豆糕+糯米糍一早賣曬叫咗馬豆糕+紅豆糕，兩者既椰汁味都好濃郁，同埋豆都粉食到回憶既味道，開心。