大班樓 (已搬遷) 新店位置

三個人叫咗三個行政套餐，包括3分頭盤三份主菜三個湯3份甜品，例湯冇得揀，蟲草排骨湯同半年前一樣。頭盤兩個朋友叫左乳鴿我叫咗份臭豆腐，乳鴿份量每人半隻，臭豆腐有兩舊，睇落份量好似乳鴿抵啲，但係臭豆腐真係好好食如果可以大嚿少少就好滿足啦，臭豆腐個醬都調得好惹味。花雕蟹絕對係必吃，最直接係飲埋個汁，聽落好似好誇張但真係好好味。蒸海斑好嫩，牛腩正常最後食唔晒已經好飽。最後嘅甜品叫咗杏仁茶淡淡嘅杏仁香唔會好甜，10分解膩。最後三個人埋單加一$2035，花雕蟹必食。