影片
更多
2016-11-27
630 瀏覽
朋友介紹觀塘有家私房粵菜非常出色，知道老豆鍾情中餐，一於有佢去試下!因為係私房菜嘅關係，所以一定要BOOK 位。雖然餐廳位於工廠區，但一入到去好有家嘅感覺!每一個角落都各有特色!一問之下，原來每一個地方係由每一個職員，發揮自己嘅創意怖置出嚟，所以各有唔同風格!!餐廳特色就係無餐牌比你即時點菜，廚師會按每季當造食物製定餐單!。今次我地點左Dreamix廚-壹(秋冬)1.冰鎮花膠2.Dreamix 雙喜3.昌媽媽炆豬肉4.杏汁豬肺湯5.蟲草花上湯浸時蔬6.糯米鴨7.百花蜜脆鱔8.葉婆婆冬瓜黑松露凍花膠一朵朵花膠因為厚身，爽口得嚟咬落膠質都幾重，正，一定好多膠原BB!花膠撈左黑松露麻醬，松露味好濃，而底下嘅新鮮青瓜好爽口，可惜黑松露麻醬太少，如果可以多啲，撈埋青瓜一齊食就太好了!Dreamix 雙喜雙喜係邊雙喜?!知唔係黃金蟹盒同埋酥炸生蠔!酥炸生蠔好肥美，好食唔在話，但黃金蟹盒先至有驚喜~內有生拆蟹肉、蛋同埋蟹子，一啖咬落去，好香蟹味，因為有蟹子，食落「索索」聲，好有口感!岩晒懶拆殼嘅大佬啦(佢食左兩嚿囉......)杏汁豬肺湯足料靚湯，姑姐話洗個豬肺都洗成粒鍾，而且杏汁味好濃郁，入口非常
因為係私房菜嘅關係，所以一定要BOOK 位。
雖然餐廳位於工廠區，但一入到去好有家嘅感覺!每一個角落都各有特色!一問之下，原來每一個地方係由每一個職員，發揮自己嘅創意怖置出嚟，所以各有唔同風格!!餐廳特色就係無餐牌比你即時點菜，廚師會按每季當造食物製定餐單!。
今次我地點左Dreamix廚-壹(秋冬)
1.冰鎮花膠
2.Dreamix 雙喜
3.昌媽媽炆豬肉
4.杏汁豬肺湯
5.蟲草花上湯浸時蔬
6.糯米鴨
7.百花蜜脆鱔
8.葉婆婆冬瓜
黑松露凍花膠一朵朵花膠因為厚身，爽口得嚟咬落膠質都幾重，正，一定好多膠原BB!
花膠撈左黑松露麻醬，松露味好濃，而底下嘅新鮮青瓜好爽口，可惜黑松露麻醬太少，如果可以多啲，撈埋青瓜一齊食就太好了!
Dreamix 雙喜雙喜係邊雙喜?!知唔係黃金蟹盒同埋酥炸生蠔!
酥炸生蠔好肥美，好食唔在話，但黃金蟹盒先至有驚喜~
內有生拆蟹肉、蛋同埋蟹子，一啖咬落去，好香蟹味，因為有蟹子，食落「索索」聲，好有口感!岩晒懶拆殼嘅大佬啦(佢食左兩嚿囉......)
杏汁豬肺湯足料靚湯，姑姐話洗個豬肺都洗成粒鍾，而且杏汁味好濃郁，入口非常順滑、滋潤。
昌媽媽炆豬肉非常邪惡嘅一道菜!!!
豬腩豬炆到非常鬆軟，入口即溶，肥姑丈襯我地唔覺意偷偷地食下食下，一個人都食左差唔多一半，好在佢食左解藥啫(三高人士明白的)!
糯米鴨終於到我地全晚最期待嘅糯米鴨喇!!
負責人同我地講，呢仔鴨件由準備到上枱要兩日時間!
前一日，要浸糯米，釀入鴨中，再攞去炸!
之後仲要經過幾次蒸焗將鴨油一次一次蒸出嚟!
糯米鴨有啲似八寶鴨，但就無咁多「寶」，廚師只放栗子同糯米。有時食八寶鴨總會覺得「太多料」，口感太複雜....
但今次就唔同了，糯米同超甜栗子都煮到好綿，食落陣陣鴨香，雖然飽，都忍唔住添咗兩碗飯!
蟲草花上湯浸時蔬好!大!碟!呀!重複，我地開始飽了...不過菜嚟啫!本來大家都諗住比面派對，每人食小小啦，誰知食落菜心非常清甜(老闆每日都會親自落街市揀靚菜)，你夾一啲，我夾一啲，不知不覺，蟲草花上湯浸時蔬K.Oed!
百花蜜脆鱔記得細個呀嫲講過，食鱔一定要食「風」鱔，「風」鱔先至夠爽口!今次呢條一定係「風」鱔因為百花蜜脆鱔肉質非常爽口彈牙，加上炸得香口，配合滋潤嘅百花蜜，好惹味!但係嚿鮮真係好大嚿....胃口細啲都食唔晒....其實真係可以細嚿啲.....
葉婆婆冬瓜葉婆婆是誰?!葉婆婆係餐廳其中一個負責人嘅婆婆，呢味葉婆婆冬瓜就係負責人細個婆婆成日整比佢食嘅菜。
冬瓜中間夾咗金華火腿，蒸熟後面頭加上蝦乾粉，食落好香火腿味，但唔會覺得太膩，感覺清新，為今晚劃上完美句號.....
且慢，唔好劃句號住!!!!今晚餐廳自家製左健康奶凍請我哋食點解健康?!因為佢唔係用一般白糖製作，而係用咗升糖指數低嘅棕櫚糖製作，即係糖尿病、老人家都食得。
真是滿足的一餐!!唔只我，好在家中老爸都好滿意，仲過用幾百蚊去食自助餐，不如嚟呢度食心思菜...(得喇明喇，我知點做喇)
張貼
