Accro Coffee (已搬遷) 新店位置

想試左好耐既咖啡小店，今日終於試左。 由於假日關係，下午茶時間係keep住滿座。老闆都好有心機，如果滿座會留低客人電話，一有位就打番電話比客，幫佢留座。  今日試左Ice mocha 同 ice latte in green tea flavour 。兩杯野飲既咖啡味道都超乎想像既濃郁，特別之處係兩杯既咖啡都好唔同。各自都有一陣不同既咖啡香。Mocha既咖啡味比較沉實，而latte既咖啡味比較清香,但重申兩杯既咖啡味都係超過濃。反而綠茶味道就比較少，可以比濃厚既咖啡味遮蓋左。而同starbucks比較，呢到既咖啡味仲比較特別添。 cake方面，試左熱情果芝士餅同益力多藍莓乳酪餅。熱情果個味道好香，芝士好滑，一啲都唔會過甜，而芝士餅身硬度岩岩好，唔會雪得太硬難以進食。而個益力多餅就比較軟身，乳酪加上藍莓，甜中帶酸，兩件餅食落一啲都唔溜。濃郁既咖啡，配上清香不溜既芝士餅及乳酪餅，係一件賞心樂事。一set$60。   如果閒日黎仲抵，續飲同款飲品加$10！！下次真係要再試！