Deer Kitchen (The Wave) (已結業)

觀塘工業區一向係臥虎藏龍嘅地帶，一早已經唔係淨係得工廠區同寫字樓了！！各式各樣嘅樓上舖同埋食肆都一齊百花綻放，就好似我今日到訪嘅〈Deer Kitchen〉位於重建後的<The Wave>大廈，港鐵B2出口行幾分鐘就到，地點好方便。上到大廈嘅6樓在餐廳所在地，裝修帶點輕工業風，環境好寬敞，坐得舒適。當然亦有小鹿裝飾呼應返餐廳名稱，打卡影相很漂亮。先來熱辣辣的餐包，配埋黑醋油醬汁，非常開胃。<黑松露意大利雲呑>未食都已經聞到超級香嘅黑松露味！！醬汁Creamy濃郁，滋味非常。大大隻嘅意大利雲吞餡料脹卜卜，雲吞皮口感Q彈有咬口，無論口感和味道也很好。<烤墨西哥單骨雞翼>香脆又熱辣辣，炸得非常香口，脆卜卜的超邪惡！！😈😈😈味道有夠惹味，而且仲有十隻單骨雞翼，份量好大喔！！<Cream Brulee>最後還點了焦糖燉蛋為晚餐甜味作結，好滿足呢。