漁品酸菜魚火鍋放題 (已結業)

難得一日早放工~心思思想食麻辣烤魚,咁就上網搵吓資料啦. 喺大圍見到呢一間《漁品酸菜魚火鍋放題》又近火車站 。就打電話去book位了～去到同朋友兩個人叫咗一份二人烤魚套餐 . 都係$398。 （有一條烤魚。烏冬、金莎炸魚皮、支竹、炸芋頭、雜菜、同兩罐無酒精飲品）佢先來左一碟鹹蛋金莎魚皮～ 因為太肚餓所以我就夾左幾塊嚟食😂 都夠脆（個人建議連埋麻辣湯汁食會好食好多）大約7分鐘左右烤魚就送到上枱面。都算10分快 ～ 條魚都好大條 ～呢個價錢有驚喜❤️同埋條魚好新鮮～啲肉好爽口彈牙 .呢點真係好重要。因為我之前曾經喺其他餐廳食嗰啲魚肉係梅嘅。🥺 佢嘅麻辣度完全係我鍾意食嘅😘如果你哋唔食得辣可以叫佢小辣。因為都幾辣👯‍♀️不過小妹係超級鍾意食辣。所以完全覺得勁正～佢入邊嘅配菜都好多。個人覺得炸芋頭 同蓮藕 最好食。 芋頭最好煮得耐啲。會更加入味～ 總括嚟講呢個二人套餐已經食到我哋好飽😘 下次要來試埋佢嘅酸菜魚❤️👯‍♀️