貢茶 (大本型)

營業中

休息中

好耐無飲珍珠奶荼，因為知道飲一杯等如食咗好多糖。但今晚食完飯行返屋企，見有人拎住一杯，攪到我又心思思，結果都係抵唔住誘惑。奶蓋奶茶 $22 - 先講包裝，貢茶係無杯蓋，面層係將杯入機器，之後有一層膠全封式。但想講飲奶蓋係要打開杯蓋，之後45度將芝士奶泡同茶一齊入口，咁先好飲。但而家只可選擇用飲管飲，或者撕開膠紙。我揀咗撕開膠紙飲，但發現之後好唔方便，因為無咗個蓋好危險。奶蓋好杰好挺身，芝士鹹香味亦算濃郁，但茶唔夠香，茶味比較淡。珍珠奶茶 $20 - 茶味同樣係淡，奶味就比較濃。甜度方面，唔知係咪冰多咗少少，所以又唔覺得好甜。而珍珠份量亦唔算好多，但口感煙韌，好有咬口。