楓 (已結業)

記得哩間既手作蛋糕好好食!! 見到有新野，就黎順使食埋個大阪燒!最Classic既大阪燒梗係配章魚~ 足二人份呀!!就咁睇都見到好足料, 啖啖都食到蔬菜同章魚, 唔會成舊粉咁, 口感好好同埋D章魚粒好彈牙, 加埋個燒汁同木魚真係好香好好味。飛驒和牛漢堡扒蕃茄湯烏龍麵漢堡扒煎得香又JUICY, 而且幾厚身下。 蕃茄湯底食得出冇味精, 應該自家用鮮茄整,  仲留有D蕃茄蓉既口感。烏冬Q彈掛到湯汁, 幾好食!野飲叫左鳳梨檸像梳打同埋焙茶豆乳, 哩間既豆乳系列都幾濃幾好飲, 配蛋糕或者大阪燒都幾夾。最後食唔落蛋糕, 點左個乳酪雪糕 , 有好多配料同口味揀!!<<開心果脆脆＋麻糬粒粒＋布朗尼＋開心果醬 >>我覺得本身個乳酪雪糕原味都已經夠好食, 可以揀D冇咁濃味既醬,  開心果味夠特別又好味, 食到中間超多醬, 配埋開心果碎就perfect~