影片
更多
2014-11-13
793 瀏覽
今次同海鮮控嘅朋友食生日飯, 佢嘅要求就係要食靚刺身haha, 睇飲食雜誌介紹咗呢間「隱世餐廳」, 比佢嘅魚肝吸引咗, 就黎試下啦 (原來魚肝要早啲打去訂先有!! 有興趣嘅朋友記得啦 )嗌咗杯梅酒等朋友 味道有啲似自己平時屋企飲開個隻, 走咗去問店員係咩牌子, 佢就成支攞出黎俾我睇, 影返張相先 酒精味唔重, 梅味都幾香, 酸微微唔會太甜, 唔錯㗎前菜燒三文魚腩海鮮沙律啱啱燒好嘅三文魚油會流落沙律菜到, 撈一撈啲魚油同啲蔬菜夾埋食好正! 啲麻醬特別香, 食落好開胃 師傅係刺身面加咗啲日本柚子, 感覺好新鮮! 好似桂花花落嘅感覺, 聞到陣淡淡嘅果香建議大家食嘅時候完全唔加其他調味醬料 普通嘅刺身食得多？咁可能要試下哩個吞拿魚腩刺身喇吞拿魚腩同背景隻手一樣咁肥美, 用紫菜包住食, 配埋少少嘅海鹽同一塊紫蘇葉, 感覺突出咗吞拿魚腩個鮮味!! 趁紫菜仲脆嘅時候就快啲食喇 跟住就食咗個牡丹蝦三文魚吞拿魚腩海膽花之戀(自己作嘅 )咁多種令人流晒口水嘅刺身配埋一齊, 一次過滿足晒N個願望!!全部都好鮮甜, 值得一試煮物海膽好新鮮入口即溶, 下面係山芋同魚蓉之前試過磨山芋, 係好
嗌咗杯梅酒等朋友 味道有啲似自己平時屋企飲開個隻, 走咗去問店員係咩牌子, 佢就成支攞出黎俾我睇, 影返張相先 酒精味唔重, 梅味都幾香, 酸微微唔會太甜, 唔錯㗎
前菜燒三文魚腩海鮮沙律
啱啱燒好嘅三文魚油會流落沙律菜到, 撈一撈啲魚油同啲蔬菜夾埋食好正! 啲麻醬特別香, 食落好開胃
師傅係刺身面加咗啲日本柚子, 感覺好新鮮! 好似桂花花落嘅感覺, 聞到陣淡淡嘅果香建議大家食嘅時候完全唔加其他調味醬料
普通嘅刺身食得多？咁可能要試下哩個吞拿魚腩刺身喇吞拿魚腩同背景隻手一樣咁肥美, 用紫菜包住食, 配埋少少嘅海鹽同一塊紫蘇葉, 感覺突出咗吞拿魚腩個鮮味!! 趁紫菜仲脆嘅時候就快啲食喇
跟住就食咗個牡丹蝦三文魚吞拿魚腩海膽花之戀(自己作嘅 )咁多種令人流晒口水嘅刺身配埋一齊, 一次過滿足晒N個願望!!
全部都好鮮甜, 值得一試
煮物海膽好新鮮入口即溶, 下面係山芋同魚蓉
之前試過磨山芋, 係好黐手好麻煩而且考功夫嘅事, 係呢到食到真係好難得
青瓜切得好幼細, 賣相好精緻, 帶子係日本新鮮運黎香港, 師傅喺帶子切咗幾刀, 令啲酸汁更加好滲入, 好開胃, 又可以繼續食 (不得了...!!)
漬物白蘿蔔黃蘿蔔牛蒡
有啲炒過嘅芝麻, 遠遠都聞好香
燒右口魚牛油果壽司(原來右口魚係比左口魚肥啲嘅, 仲以為師傅講笑 ) 都試過自己焗牛油果, 但都整唔到呢種好似食牛油嘅感覺, 好好食
燒和牛好鐘意有咁多京蔥, 食落唔會好油, 亦都好香好腍! 一舊係絕對唔夠㗎!
燒金䱽魚腩壽司一食落去就成口Omega3, 上面有d辣椒蘿蔔蓉, 配搭非常特別, 鍾意食辣既朋友絕對唔可以錯過
甜品綠茶紅豆奶凍
奶凍唔會落太多魚膠, 好滑身, 上面嘅綠茶用咗日本茶道嘅泡茶方法做, 食落接近無糖, 食到好滿足, 一啲都唔覺得滯
*一個美滿嘅安排, 4個鐘一餐, 由頭盤各種刺生壽司燒物麵豉湯甜品等, 師傅同我地詳細解釋每一道食材, 專業亦風趣點樣行過黎: 由佐敦地鐵站地鐵B1出口向油麻地方向行過3個街口, 會去到永安對面周大福隔離個個小小巷入就到茂林街就會係左邊見到間餐廳 , 搭巴士嘅朋友可以係油麻地西貢街站落仲方便
題外話/補充資料：
,
(以上食評乃用戶個人意見 , 並不代表OpenRice之觀點。)
張貼
