Ciao

營業中

休息中

Ciao係意大利文再見嘅意思。餐廳唔係好大，但坐位唔會太逼，感覺都幾舒服。而店內貼上”我真係好撚鐘意香港”，就更加分。店員係埋單更會詢問食物意見，好有誠意。黑松露薯條 $38真係要讚一讚，薯條外脆內軟，落黑松露都一啲都唔手軟，所以食落好香黑松露味，另外配上黑松露醬，令到黑松露味更香更濃，一定要試。水牛城單骨雞翼 $48雞翼會香煎過，然後再係雞翼上面淋上由洋蔥、辣椒粒、香草等材料製成的酸辣醬，好惹味。黑松露野菌意粉 $68意粉煮得夠腍，忌廉煮得好creamy，好香黑松露味，野菌有幾種菇類，口感好爽口。BBQ豬肋骨 $108BBQ醬調得好好，甜得黎唔會太漏，帶有少少酸醋味。肋骨都烤得好好，但就比較薄。