韓國錦城飯店 (已結業)

好友相聚又係食食食同食，今次去左成日都話去既錦城，滿心期待之下，叫左成枱野食，又燒豚肉、雞肉、牛仔骨、海鮮餅、年糕同水冷麵咁，先講燒肉，味道一般，無咩特別，海鮮餅都叫做外脆內軟，但就唔熱，同有少少咸，年糕份量就唔太多，好似食多幾啖已食晒，不過味道就叫做合格，唔算過辣，止於水冷麵就唔夠味，個麵仲煮得太耐，有d糊口，好失望，不過最衰就係個韓國服務生，懶風趣地指指點點我地，好唔鐘意佢既服務方式，同佢又唔熟，一d都唔想同佢玩，加上已經係行動上表明唔鐘意，但佢態度仍然，所以成餐飯都食得好唔高興，呢間一定無下次！！