和居和居 (已搬遷) 新店位置

今日去咗銅鑼灣搵到間燒得好有心機嘅串燒店，叫做和居和居。最近節日食肉太多，今晚先點兩款菜，蟹子沙律實在食得太悶啊，所以試左涼拌青菜及韭菜炒豬肝，估唔到幾好喎，涼拌青菜味道清新，韭菜夠鑊氣，豬肝老左少少但係味道幾好。跟住食串燒，我最鍾意免治雞肉棒（加蛋），一定要加蛋，食起嚟滑好多。牛脷串、白鱔串、車厘茄串、日本小青椒，全部燒得啱啱好，脆得嚟唔會乾。自家製牛肉薯餅炸得夠酥脆，裏面係軟林林嘅薯蓉，對比好強口感好，夾埋啲生菜沙律絲食，非常啱。我最欣賞最後嘅明太子燒飯糰，真係燒得好好有心機，好好食。燒芝士年糕都好得。今晚每人平均$309。