幸拉麵 (已結業)

拉麵係香港就開得成行成市，但係好食嘅就唔係好多間。上網見到嚟間拉麵嘅報道，睇落都好似好有心機，所以搵左日晏晝嚟試吓。當日大概點幾兩點嚟到，店舖內都坐滿晒人，好有人氣。等咗大概10分鐘到就安排入座，店員先幫我量體溫再安排坐吧枱嘅位，可以一路食一路望住師傅煮拉麵。食豬骨拉麵第一件事當然要試一試個湯，一啖飲落去香濃得嚟層次感好豐富，食得出師傅落足豬骨煲個湯底。麵質係平時我哋食嘅幼麵，硬身得嚟可以掛多啲湯汁。而叉燒嘅肥瘦度十分均勻，食落煮得好入味。總括而言成碗拉麵都幾好食，相信下次都會再過嚟食過。