潤

營業中

休息中

因為在社交平台睇到有介紹，長老睇完話點心好靚，於是提早一個月預訂，同長老食生日飯，食完先知道係米芝連餐廳。點心味道好，而且非常漂亮精緻上鏡，服務細心，因為知道係生日飯，提議我哋點咗壽包（外皮鬆軟有流沙，非常好味👍🏻），仲送寫咗生日快樂🎂嘅桂花糕同曲奇餅，非常多謝。首先上嘅係鵝肝，入口驚艷，鵝肝幼滑，煙薰味恰到好處。推薦😋👍🏻叉燒是必食，味道略偏甜，肉質偏稔，但因為夠入味，一件接一件。蟹粉生煎包，外皮香脆，餡料好鮮美。龍躉皮，非常惹味😋，連蔥都好好食。推薦👍🏻👍🏻👍🏻娘惹咸水角，造型精緻上鏡，味道就不過不失，餡料味道還算不錯。龍蝦卷，蝦肉彈牙，但要快食，因為放耐一陣會偏硬。和牛酥，造型好靚，好鬆脆，推薦👍🏻👍🏻金魚餃，綠色部分是蒸蛋白，非常嫩滑，餃子味道反而一般。但光睇造型已經好讃，可以一試。總括來說是值得一試，午餐每人$600左右，服務、環境、食物都非常滿意，又靚又好食，長老亦都食得好開心，如果有新菜式都可以再來。