影片
更多
2009-01-02
5 瀏覽
同媽媽經過海洋公園一日遊之後，實行食返餐先正式回程...搭629嚟到金鐘，見到Monster Burger，平日網友大讚好食，信得過嘅...未試過喎，一於試吓啦...一望餐牌，媽媽細細聲：「咁貴嘅，唔好lu ...」想拉我走 ...講真，都覺貴架，but 媽媽平時好少出嚟玩嘅，冇所謂啦 ...order 咗兩個餐，都係手打牛肉漢堡，一個係單層，一個係雙層 (for超大食嘅我...)等咗一陣，Number 402，食得 ...一分錢一分貨，size大過Triple O & Burger King，MosBurger更加冇得比，想一口咬哂咁多層，可惜心有餘而力不足，唯有逐層食 ... 牛肉打得鬆軟，味道 Ichiban，連成日揀飲擇食，仔女擔心到極嘅媽媽都話：「真係好好味呀 ...」p.s.唔覺意比媽媽睇到張單，$128.00，佢即刻伸伸脷，表示替我肉赤，我又唔打緊呀，最緊要比佢老人家開心同見識吓嘛 ^^ ~外傳~喺天文台網頁日望夜望，掛住晴天娃娃祈求：「凍都唔緊要，唔落雨就得架啦 ... 唔該啦 ... 唔該啦 ...」07：15起床，天寒地凍，往窗外一望：「噢 ... 球場濕漉漉 ..
搭629嚟到金鐘，見到Monster Burger，平日網友大讚好食，信得過嘅...未試過喎，一於試吓啦...
一望餐牌，媽媽細細聲：「咁貴嘅，唔好lu ...」想拉我走 ...
講真，都覺貴架，but 媽媽平時好少出嚟玩嘅，冇所謂啦 ...
order 咗兩個餐，都係手打牛肉漢堡，一個係單層，一個係雙層 (for超大食嘅我...)
等咗一陣，Number 402，食得 ...
一分錢一分貨，size大過Triple O & Burger King，MosBurger更加冇得比，想一口咬哂咁多層，可惜心有餘而力不足，唯有逐層食 ... 牛肉打得鬆軟，味道 Ichiban，連成日揀飲擇食，仔女擔心到極嘅媽媽都話：「真係好好味呀 ...」
p.s.唔覺意比媽媽睇到張單，$128.00，佢即刻伸伸脷，表示替我肉赤，我又唔打緊呀，最緊要比佢老人家開心同見識吓嘛 ^^
~外傳~
喺天文台網頁日望夜望，掛住晴天娃娃祈求：「凍都唔緊要，唔落雨就得架啦 ... 唔該啦 ... 唔該啦 ...」
07：15起床，天寒地凍，往窗外一望：「噢 ... 球場濕漉漉 ... 晴天娃娃失效 ...」
嗱嗱聲開電腦，到天文台網頁：「寒冷天氣警告現正生效，本港今日天氣寒冷，有幾陣微雨 ...」~~唉~~買咗"飛"，冇計啦 ... 落雨都要去 ...
10：10出發，同媽媽一齊，揹住一袋乾糧，起程前往海洋公園囉 ...
咦？由出發開始，天就開始光啦 ... 好感動呀！肯定係上天聽到我祈求，好開心！
張貼
