影片
更多
2011-11-16
141 瀏覽
落完深水埗搵森哥聚舊後, 師傅又唔知去邊度好; 坦白講一份蝦籽撈麵絕對唔飽, 肚餓咩? 又唔係喎, 於是就決定再四圍兜下, 睇下有咩吸引, 可惜行左半個鐘都係得個行字, 最後決定打道回府, 返去自己地頭先決定點! 落到區還是冇咩心水, 四圍行下之際, 師傅忽然間腦裡面浮起炒蛋, 既然要食炒蛋, 咁澳牛就走唔甩, 再望下個時間, 晚上九點半過後, 呢個真係去澳牛嘅最佳時間, 於是就一支箭咁去!入到去人唔算多, 雖然唔使等位, 但侍應嘅手腳並無因此而放慢; 皆因師傅一坐底個侍應已經好似貼身膏藥咁, 幸好師傅亦冇咩要考慮, 即刻報上茶餐, 炒蛋多士, 牛肉通粉, 之後個侍應就行開了! 行開了原因係去攞碟通, 所以由落單到碟通粉放喺師傅面前, 前後唔使一分鐘!既然擺喺面前, 就隨即開餐! 一如以往師傅先試湯底, 湯底真的夠清, 有味道但冇味精, 多年來嘅水準依然維持到, 真的不錯; 而師傅最鍾意將白胡椒粉加入牛肉通粉肉, 呢度嘅白胡椒粉真的夠香夠辣, 最好一樣就係個胡椒粉樽永遠冇話倒唔出, 真係路路暢通; 不過是晚通粉就煮得過腍, 入口較粉, 師傅就唔太鍾意, 不過係通粉冇坑紋, 冇坑紋的比有
落到區還是冇咩心水, 四圍行下之際, 師傅忽然間腦裡面浮起炒蛋, 既然要食炒蛋, 咁澳牛就走唔甩, 再望下個時間, 晚上九點半過後, 呢個真係去澳牛嘅最佳時間, 於是就一支箭咁去!
入到去人唔算多, 雖然唔使等位, 但侍應嘅手腳並無因此而放慢; 皆因師傅一坐底個侍應已經好似貼身膏藥咁, 幸好師傅亦冇咩要考慮, 即刻報上茶餐, 炒蛋多士, 牛肉通粉, 之後個侍應就行開了! 行開了原因係去攞碟通, 所以由落單到碟通粉放喺師傅面前, 前後唔使一分鐘!
既然擺喺面前, 就隨即開餐! 一如以往師傅先試湯底, 湯底真的夠清, 有味道但冇味精, 多年來嘅水準依然維持到, 真的不錯; 而師傅最鍾意將白胡椒粉加入牛肉通粉肉, 呢度嘅白胡椒粉真的夠香夠辣, 最好一樣就係個胡椒粉樽永遠冇話倒唔出, 真係路路暢通; 不過是晚通粉就煮得過腍, 入口較粉, 師傅就唔太鍾意, 不過係通粉冇坑紋, 冇坑紋的比有坑紋的好味好多, 而呢間食店多年如是, 值得一讚!
食到一半火腿, 炒蛋同多士亦同時登場, 火腿兩片薄薄的, 唔咸唔韌, 都幾好; 至於炒蛋真的一絕, 蛋身炒得好滑, 唔乾唔老, 仲有少少蛋汁, 有蛋味, 怪唔得之咁多年依然門庭若市, 真係有啲計! 至於多士就烘得幾脆, 包身鬆軟, 就連師傅對包類唔特別興趣都覺得好味, 正喎! 當食到接近尾聲, 侍應又好主動咁問餐飲, 於是師傅揀左凍檸茶, 雖然唔知細杯但都想飲! 凍檸茶嘅茶底香濃, 有茶味, 今時今日唔係好多地方可以有咁嘅水準, 雖然係細杯, 不過真係好味過好多大杯的!
總括黎講食物水準維持到, 仍然十分之高, 服務就非常之快, 壓力感大, 環境光猛但坐位較逼, 價錢就接受到, 埋單三十二, 可以啦! 探完森哥, 再聚澳牛, 呢一晚師傅單飛都叫食得盡, 亦真的非常之飽, 於是亦心滿意足地離開! 笑臉要比, 但幾時再黎就得擇個良晨吉日喇!
張貼
