心燒食堂

營業中

休息中

今晚朋友帶我食佢最鍾意嘅居酒屋，食完呢次個list又多一間選擇可以回頭🤤燒白鱔-朋友首推，燒到外脆，但肉質彈牙厚肉，配埋醬汁少少甜，好食😋粟米金磚-朋友另一最愛，炸到香口但唔油膩，而且粟米已經切好晒，可以大啖大啖食。薑蔥煎蠔-呢個係我最愛，蠔身超厚，粒粒都脹卜卜，煎到外層金黃，但內裡重好juicy，薑蔥汁又勁香。燒豚肉葡萄卷-卷葡萄已經新奇，但又真心好夾，重要葡萄係撇好皮🤩心燒免治雞肉棒-本身我鍾意呢款，粗碌、雞肉中溝左d軟骨，配埋蛋汁食，但我鍾意軟骨再多d😏就very good~燒午餐肉-意外好食，因為外層有蜜糖包住燒，少少甜，係未預計既味道。燒芝麻湯圓-見到就眼睛發亮，呢個整法係好食，但芝麻餡乾咗d，再流心d會更好。另外重食手打墨魚餅、燒雞軟骨串、燒芝士年糕、燒豆腐、燒秋葵、燒甜蕃薯、枝豆，都好食，但唔算好特別。當然日本啤係不可少，但唔記得影🤦🏻‍♀️但唯一美中不足就係用餐時間，想慢慢食慢慢吹水比較難。