影片
更多
2019-07-31
62 瀏覽
今次去到大角咀附近，見到招牌好突出「食雞」，個名好像最近好Hit嘅手機遊戲，正直我哋兩個人都想食雞煲，而且門口位置好方便泊車，所以就選擇左呢一間餐廳食雞煲火鍋放題作為晚餐。星期日至四雞煲火鍋放題都只係$258一位，仲要係無限時任飲任食任坐，真係好少有！見到餐紙上有好多五種款式嘅雞煲選擇，仲有一個叫做「兒童適宜芝士雞煲」，顧及一家大細兒童的需要，可見餐廳非常體貼。我哋最後揀選左招牌川味雞煲，仲有六種嘅配料自由選擇份量，一目了然。等左一陣雞煲終於來了，原隻新鮮芝麻雞，加上秘製醬汁醃制，難怪零舍香！職員俾咗一個黃色嘅漏斗讓我們自己計時3分鐘之後就可以食得，很新奇特別。半隻雞嘅份量都非常多，雞肉味道很新鮮，肉質鮮嫩，咬落去仲有肉汁，以我食雞煲的經驗來說這一個雞煲真係好好吃！火鍋拼盤中的「安格斯雪花肥牛」賣相非常吸引，薄薄切成鋪滿成碟，一塊塊放入火鍋，食落去肉質好軟身，有即溶嘅感覺，咬幾啖就吞咗落肚啦，正！火鍋拼盤中還有西班牙黑毛豬梅肉、韓國珍寶蟹棒、極級丸類六天王、鬼馬扎肉片、魚皮餃、金菇菜白蘿蔔炸魚皮等。當中的「珍寶蟹棒」果然配合其食物名稱，條蟹棒好長，而且食落去質感好軟熟。食咗咁多肉要食返
今次去到大角咀附近，見到招牌好突出「食雞」，個名好像最近好Hit嘅手機遊戲，正直我哋兩個人都想食雞煲，而且門口位置好方便泊車，所以就選擇左呢一間餐廳食雞煲火鍋放題作為晚餐。
星期日至四雞煲火鍋放題都只係$258一位，仲要係無限時任飲任食任坐，真係好少有！
見到餐紙上有好多五種款式嘅雞煲選擇，仲有一個叫做「兒童適宜芝士雞煲」，顧及一家大細兒童的需要，可見餐廳非常體貼。我哋最後揀選左招牌川味雞煲，仲有六種嘅配料自由選擇份量，一目了然。
等左一陣雞煲終於來了，原隻新鮮芝麻雞，加上秘製醬汁醃制，難怪零舍香！職員俾咗一個黃色嘅漏斗讓我們自己計時3分鐘之後就可以食得，很新奇特別。
半隻雞嘅份量都非常多，雞肉味道很新鮮，肉質鮮嫩，咬落去仲有肉汁，以我食雞煲的經驗來說這一個雞煲真係好好吃！
火鍋拼盤中的「安格斯雪花肥牛」賣相非常吸引，薄薄切成鋪滿成碟，一塊塊放入火鍋，食落去肉質好軟身，有即溶嘅感覺，咬幾啖就吞咗落肚啦，正！
火鍋拼盤中還有西班牙黑毛豬梅肉、韓國珍寶蟹棒、極級丸類六天王、鬼馬扎肉片、魚皮餃、金菇菜白蘿蔔炸魚皮等。
當中的「珍寶蟹棒」果然配合其食物名稱，條蟹棒好長，而且食落去質感好軟熟。
食咗咁多肉要食返啲菜先得，蔬菜類喺雪櫃自行拿取，見到蔬菜好新鮮，一啲都冇爛，我就攞咗一盆油麥菜，只需要恰幾分鐘後，就食得啦！食落去好爽口，有好脆嘅感覺，食到新鮮嘅蔬菜味道，而且油麥菜咬落去已經滿口係雞煲火鍋精華味道所在。
自助形式嘅飲品，仲有自家製菊花蜜並附設凍熱選擇，打完邊爐清熱解渴必飲！總括來說，食物配料很有質素，最欣賞係個雞煲，啲味道同出面嘅雞煲好唔同，非常特別，有家鄉農村走地雞味道，必食啊！
張貼
