影片
更多
2022-11-11
175 瀏覽
<渝味曉宇>改咗名做<方叔叔>之後第一次幫襯，改名呢個決定非常明智，之前個名我通常只係講到頭一個字，方叔叔易記好多，食物同裝修同之前大致上都冇咩分別～湯底揀咗大骨滋補湯同埋麻辣鍋，大骨滋補湯真係有好大條豬骨，仲有粟米紅蘿蔔等，奶白色湯底，麻辣湯揀咗普通辣，一開始覺得佢係麻而不辣，當啲辣椒煲咗一陣之後啲辣味就開始出嚟，肉類就放落麻辣鍋到刺激下味蕾!! 今次希望嗌多啲菜少啲肉，有得嗌半份就可以嗌多啲種類，蔬菜類有皇帝菜、淮山條、海帶苗、萵筍片、筍片、鮮腐竹同乾貢菜，海帶苗有驚喜好好食夠爽滑，最後encore左半份，另外乾貢菜第一次食，口感幾特別好爽脆!! 肉類就有每次來必點嘅炸酥肉、午餐肉同嫩牛肉，手打蝦滑都推介超級彈牙，羊肉卷就肥瘦適中，肉質軟熟少少羊騷味，好貼心大部份食材都有標示要煮幾多時間，仲有timer喺枱可以用!!飲品叫咗四大天王特飲嘅其中兩杯，水仙烏龍檸檬茶同生津止渴楊梅汁，嘢飲嚟到嘅時候有嚇親原來成個手掌咁大杯，水仙烏龍茶味幾清新唔太甜，食麻辣鍋真係好需要飲嘢，所以最後慢慢飲都飲得晒!!暫時重慶火鍋來講首選係呢間，每次食都覺得滿意，服務又好!!
湯底揀咗大骨滋補湯同埋麻辣鍋，大骨滋補湯真係有好大條豬骨，仲有粟米紅蘿蔔等，奶白色湯底，麻辣湯揀咗普通辣，一開始覺得佢係麻而不辣，當啲辣椒煲咗一陣之後啲辣味就開始出嚟，肉類就放落麻辣鍋到刺激下味蕾!!
今次希望嗌多啲菜少啲肉，有得嗌半份就可以嗌多啲種類，蔬菜類有皇帝菜、淮山條、海帶苗、萵筍片、筍片、鮮腐竹同乾貢菜，海帶苗有驚喜好好食夠爽滑，最後encore左半份，另外乾貢菜第一次食，口感幾特別好爽脆!!
肉類就有每次來必點嘅炸酥肉、午餐肉同嫩牛肉，手打蝦滑都推介超級彈牙，羊肉卷就肥瘦適中，肉質軟熟少少羊騷味，好貼心大部份食材都有標示要煮幾多時間，仲有timer喺枱可以用!!
飲品叫咗四大天王特飲嘅其中兩杯，水仙烏龍檸檬茶同生津止渴楊梅汁，嘢飲嚟到嘅時候有嚇親原來成個手掌咁大杯，水仙烏龍茶味幾清新唔太甜，食麻辣鍋真係好需要飲嘢，所以最後慢慢飲都飲得晒!!
暫時重慶火鍋來講首選係呢間，每次食都覺得滿意，服務又好!!
張貼
