Bellevue Bar and Grill (已結業)

餐廳環境寬敞開揚，落地大玻璃，可以飽覽九龍美景。餐廳內佈置浪漫，一個個心心花掛在大玻璃上，氣氛滿佈每個角落！每當有疑惑，店員都會細心去解釋及推介，無論係餐包，牛扒嘅生熟程度，意大利飯嘅軟硬度，都好有禮貌去解答。實在令我有賓至如歸嘅感覺！蕃茄湯酸酸甜甜特別醒胃，口感順滑，味道濃郁。燒美國安格斯熟成肉眼扒帶有炭燒嘅香味，熟成後令肉質更幼嫩、肉味更濃郁，3成熟無血水，牛扒粉嫩，入口嫩滑，簡單用鹽去調味已經好好食！油封鴨脾肉燴意大利飯飯粒分明，每啖飯都食到忌廉同鴨肉嘅味道，芝士同菇菌融入飯中，令意大利飯更香濃好味！甜品藍莓、紅桑子、士多啤梨等生果做點綴，蛋糕味道酸酸甜甜，唔錯！奶茶英式奶茶味道，鮮奶和糖可以按喜好添加。