影片
更多
2016-04-09
375 瀏覽
三坡坊都幾多大排檔，行行吓見到呢間潮州嘢，比其他店舖乾淨，就決定今晚喺度解決。入到去同出邊嘅店舖係另一個世界，店內比一般大排檔整潔，木枱令人感覺帶點懷舊，又好有中國feel，食具亦有此店的名稱，另有一個茶坊比客人品茶。Menu製作精美，店內特色嘅菜都會有詳細嘅介紹，所以我哋都係揀啲推介既菜黎食。正宗汕頭手打牛肉丸 $36牛肉丸圓look look，咬落感覺好實在而且彈牙，因為牛肉丸好結實足料，而且入邊會有牛肉汁滲出，唔同出邊空心嘅牛肉丸，手打果然唔同啲。小米餃$22小米餃的皮煙煙韌韌，好似粉果皮，細細粒，成粒放入口就最啱，入面嘅豬肉餡甜甜地，要趁熱食。醬鹵鴨 $68滷水醬汁嘅味道唔算好濃，但唔會好咸，就咁食唔使送飯已經OK，鹵鴨肉質嫩滑夠腍，脂肪比例較少，不過骨嘅份量較多。醬醃膏蟹 $88起揀咗細隻，膏蟹真係好多膏，蟹肉食落口好似食緊啫喱咁，而且已經預先剝晒殼，食落都幾方便，不過味道比較鹹，適宜配白飯一齊食。潮汕砂鍋粥 $160起食潮州菜梗係要食返碗潮州粥，呢個砂鍋粥其實係自己配搭材料，最少消費$160，我就揀咗響螺片、元貝同埋蠔仔。一上枱仲係滾下滾下，自己再落芫茜調味，入邊都算幾多海
三坡坊都幾多大排檔，行行吓見到呢間潮州嘢，比其他店舖乾淨，就決定今晚喺度解決。
入到去同出邊嘅店舖係另一個世界，店內比一般大排檔整潔，木枱令人感覺帶點懷舊，又好有中國feel，食具亦有此店的名稱，另有一個茶坊比客人品茶。
Menu製作精美，店內特色嘅菜都會有詳細嘅介紹，所以我哋都係揀啲推介既菜黎食。
正宗汕頭手打牛肉丸
19 瀏覽
0 讚好
0 留言
正宗汕頭手打牛肉丸 $36牛肉丸圓look look，咬落感覺好實在而且彈牙，因為牛肉丸好結實足料，而且入邊會有牛肉汁滲出，唔同出邊空心嘅牛肉丸，手打果然唔同啲。
小米餃
38 瀏覽
0 讚好
0 留言
小米餃的皮煙煙韌韌，好似粉果皮，細細粒，成粒放入口就最啱，入面嘅豬肉餡甜甜地，要趁熱食。
醬鹵鴨
39 瀏覽
0 讚好
0 留言
滷水醬汁嘅味道唔算好濃，但唔會好咸，就咁食唔使送飯已經OK，鹵鴨肉質嫩滑夠腍，脂肪比例較少，不過骨嘅份量較多。
醬醃膏蟹
24 瀏覽
0 讚好
0 留言
醬醃膏蟹 $88起揀咗細隻，膏蟹真係好多膏，蟹肉食落口好似食緊啫喱咁，而且已經預先剝晒殼，食落都幾方便，不過味道比較鹹，適宜配白飯一齊食。
潮汕砂鍋粥
23 瀏覽
0 讚好
0 留言
潮汕砂鍋粥
69 瀏覽
0 讚好
0 留言
食潮州菜梗係要食返碗潮州粥，呢個砂鍋粥其實係自己配搭材料，最少消費$160，我就揀咗響螺片、元貝同埋蠔仔。
一上枱仲係滾下滾下，自己再落芫茜調味，入邊都算幾多海鮮，蠔仔食落冇沙，元貝同螺片爽口。粥底鹹香充足，而且好軟綿，又帶有海鮮嘅鮮甜味，果然無揀錯。
成個砂鍋上，原來揀細個已經好大盤，最後我哋兩個人食咗成四五碗都食唔晒，算幾抵食。
留意到有免費潮汕功夫茶，我地點左普洱試吓，真係好特別，成個沖茶器俾晒我哋慢慢玩，咁大個女第一次自己咁樣泡茶，又好飲又好玩。呢餐潮州菜真係又好食又抵食。
張貼
