影片
更多
2023-05-08
32 瀏覽
心血來潮好想打邊爐，就搵到呢一間鼎王麻辣火鍋。當日一入到舖頭，就比佢嘅裝修吸引，佢嘅裝修古色古香，似係清幽風格，而且餐枱夠大，擺幾多嘢食都唔怕😗一入到去，店員就向我哋介紹咗枱上嘅茶壺，入邊裝住水蜜桃紅茶，浸出嚟有震震嘅蜜桃方向，飲落去清淡解膩！然後就問我哋想要啲咩湯底，呢度主打兩隻，一隻係麻辣鍋，一隻係酸菜白肉鍋，當然你亦都可以要晒兩隻做鴛鴦鍋！咁我哋當然都要晒啦！😝麻辣鍋我哋嗌咗小辣，少少哋唔會太嗆喉，但又好惹味😋而且麻辣鍋入邊有鴨血同埋豆腐，鴨血非常好食，唔會太實，亦都唔會一夾就散！酸菜白肉鍋就正常發揮，酸菜都幾爽口唔霉。而更加重要嘅係，鴨血、豆腐、酸菜都係無限免費追加。餸菜方面，我哋叫咗三樣：🥩安格斯肥牛$318呢啲肥牛非常優秀，但睇埋相已經冇得彈，千祈唔好以為佢係餐牌上最平嘅牛肉，就以為佢係次一等，你睇吓相上面嘅油脂網紋，分布幾咁均勻，而且切好晒卷狀上菜，夾起上嚟非常方便，唔會幾塊黐埋一齊！而且就算落鑊煮完之後，識落口依然都係牛味濃郁，冇比麻辣味或者酸菜味蓋過，可想而之，呢一碟肥牛係幾咁優秀！🦐🦀招牌手工三色滑（瑤柱滑、蝦滑、蟹滑）$158三款滑都非常不錯！每一份都非常足料，而
一入到去，店員就向我哋介紹咗枱上嘅茶壺，入邊裝住水蜜桃紅茶，浸出嚟有震震嘅蜜桃方向，飲落去清淡解膩！然後就問我哋想要啲咩湯底，呢度主打兩隻，一隻係麻辣鍋，一隻係酸菜白肉鍋，當然你亦都可以要晒兩隻做鴛鴦鍋！咁我哋當然都要晒啦！😝
麻辣鍋我哋嗌咗小辣，少少哋唔會太嗆喉，但又好惹味😋而且麻辣鍋入邊有鴨血同埋豆腐，鴨血非常好食，唔會太實，亦都唔會一夾就散！酸菜白肉鍋就正常發揮，酸菜都幾爽口唔霉。而更加重要嘅係，鴨血、豆腐、酸菜都係無限免費追加。
餸菜方面，我哋叫咗三樣：
安格斯肥牛
$318
0 瀏覽
0 讚好
0 留言
呢啲肥牛非常優秀，但睇埋相已經冇得彈，千祈唔好以為佢係餐牌上最平嘅牛肉，就以為佢係次一等，你睇吓相上面嘅油脂網紋，分布幾咁均勻，而且切好晒卷狀上菜，夾起上嚟非常方便，唔會幾塊黐埋一齊！而且就算落鑊煮完之後，識落口依然都係牛味濃郁，冇比麻辣味或者酸菜味蓋過，可想而之，呢一碟肥牛係幾咁優秀！
三色滑
$158
0 瀏覽
0 讚好
0 留言
🦐🦀招牌手工三色滑（瑤柱滑、蝦滑、蟹滑）$158
三款滑都非常不錯！每一份都非常足料，而且爽口彈牙，亦都唔會糊狀粉過多，仲會食得到帶子肉、蝦肉同蟹肉！
燕餃
$68
1 瀏覽
0 讚好
0 留言
🥟燕餃（8件）$68
燕餃睇個名幾特別，冇乜點樣喺火鍋店見過，所以就點咗呢一道菜，長條型嘅形狀，入面包住嘅係豬肉同埋少量蔬菜，食落去都幾爽口彈牙，皮薄餡靚！出面甚少火鍋店有呢一款配料，大家鍾意試新嘢嘅話可以一戰！
你以為三款配料太少？其實已經非常飽肚，一嚟佢份量足夠，二來佢白飯任裝，本身諗住食一碗嘅啫，點知個麻辣湯太惹味，攞嚟送飯，簡直一流，食吓食吓就不自覺食咗兩碗😂
張貼
