The Coffeeology (已結業)

今朝睇到新聞心情好低落，決定對自己好啲，返工前食餐好。一直都喺網上睇到有人嚟呢間打卡，終於有機會試啦。早餐combo係平日先有㗎，$35包炒滑蛋同一件pastry，好好彩今日有我最鍾意嘅蘋果酥😍。我仲加咗latte同smoked salmon，埋單totoal $67，超高CP值。值得一讚嘅係，我本身好怕炒蛋嘅油膩感，落單嗌少油嘅時候，收銀哥哥仲好細心咁問我使唔使走cream😍😂！蘋果酥造得好鬆脆，個餡有滿滿嘅蘋果，好邪惡但欲罷不能；而炒蛋同煙三文魚就恰到好處，唔會太鹹、太油。Latte我揀咗fruity，老實講有啲後悔叫咗skim milk，試唔到最正宗口感🥺，所以下次一定要再幫襯！題外話，臨走嗰陣見到店員哥哥準備緊Cheese cake嘅材料，決定下次要食埋haha。多謝the coffeology係心情糟透嘅一天為我帶嚟左一絲安慰。