餃掂手工餃子雲吞專門店

心靈餃子店，不能複製的味道～～～最近負能量滿滿，就來找我的心靈餃子店🥟食返個晚餐。之所以話佢係心靈餃子店，係因為佢哋嘅牆壁上面成日都貼住好多正面嘅字句，例如，係餃子過上好日子等等，又加上家裡是北方人，北方人過時過節都鍾意食餃子，總感覺餃子可以為人帶嚟好運氣。～～～粟米🌽豬肉餃香香甜甜，咬落去bit汁，粟米好脆口，好新鮮。～～～黑白配嘅龍鳳松茸餃係佢哋店舖獨有嘅特色，松露份量加得夠重手，加上花生🥜味好香嘅冇味精狀元九鼎湯，啖啖滋味，係一種其他店鋪copy唔到嘅味道。～～～四川涼麵🥢凍冰冰好適合夏天食，加上麻醬辣油，令人欲罷不能。檯上就有🌶️辣醬，份量可以自己調校，條條彈牙。～～～香香甜甜少少咸嘅蜜餞雞翼，好柔嫩，絲絲雞肉都非常入味，配搭餃子嘅狀元九鼎湯食亦好夾。～～～平時唔鍾意食素餃，不過呢度嘅素煎餃確實不錯，煎香後令素菜更添油香，外層香薄紙脆，內裡濕潤，加少少豆瓣醬，一口接一口，好快就清晒成碟。～～～餃掂手工餃子雲吞專門店 灣仔莊士敦道44號地下