人間世茶會館 (已結業)

一入去，已經有種好寧靜既感覺。環境舒服，檯與檯之間好闊落。中間有棵樹先除鞋，後坐。有少少和風感覺。可能多數人都係黎下午茶，少人食晚餐。所以今晚我同朋友好似包場咁，成晚得我地一檯客。重點推介：各式茶類各款茶類，唔太熟識茶品種，可以問，店員都好樂意講解不同之處。我地叫左38年生散茶（左），大雪山（右）。生散茶就相對味道濃郁少少。以下菜式，餐牌係冇，店員係主動推介新菜式：鯖魚定食，有飯，有魚，有菜，健康之選。豆腐雖然冇味，但加左紫薑，同新鮮生葵，味道清新，係個好天然配搭。蒸蛋，唔同日本餐廳食既蒸蛋，冇清酒味。入面只有冬菇，但蛋相當滑。蔬菜類品種都多，有健康秋葵，雖然唔係人人都岩食，有加左醋既沙律。魚唔太多骨，都不是太油膩。飯團，一個係蜆肉飯團，一個係明太子飯團，都係一個幾特別配搭。味道都幾好。依個定食係素食，蔬菜類為主，不同地方係主食係菇，幾香口，飯團就係一個菇飯，一個梅飯，間中食素食都可以。甜品茶壺形朱古力蛋糕內裏，朱古力好香滑，如果可以改良為茶葉味蛋糕，更為配合茶主題。