Pheromone Dessert (已結業)

食完個火鍋，想搵啲甜甜的滋潤下喉嚨，行下行下就被個門面吸引住！從窗外望入去好有雅緻溫暖嘅感覺！店員引領我和朋友上二樓坐，沿途的牆貼，掛畫，馬卡龍公主餅裝飾都充滿開心氣氛，好似每行一步都有新奇嘢睇，可以這小店花了不少心思。打開餐牌，主打有窩夫和門外有宣傳介紹的好靚好大個即造棉花糖堡慕絲。不過友人和我都太飽，又想試多幾樣甜品，唯有和窩夫無緣，叫了三樣其他甜品。先嚟一個綠茶慕絲。用木板上菜又幾得意，份量不太大，剛剛好一個人食。先嘗了囗雪糕，偏甜但幸好慕絲的茶味較濃質感輕身，中和了那甜膩，伴碟的蝴蝶餅也鬆化，不錯！另外點了個Baileys 酒香梳乎厘伴朱古力雪糕，雪糕口味可以轉換，有綠茶，曲奇等選擇。本身極愛酒味的我對這很有寄望，梳乎厘上桌時都有濃濃的蛋香飄來，但一放入囗，有少少怪苦味且過於濕潤，我較喜愛臨行時見到隔離檯的窩夫又大份個樣又好味，下次要預位再嚟！