琥酌 (已搬遷) 新店位置

Weekend約左朋友去尖沙咀shopping, shopping 完之後覺得有d 肚餓，梗係去搵野食啦！見到大廈既水牌有間食日本菜幾好食咁，就同朋友搭左lift 上黎食個lunch!😊一打開lift 門就見到餐廳大大個招牌《琥酌》好sharp! 我地就叫左2個set lunch! 其中一個店員話係佢地既招牌菜（元祖吉列牛定食），咁當然要試一試啦！店員幫我打點著個火同比左點吉列牛既醬汁（分別有醬油，海鹽同芥茉醬）。個定食分別有野菜沙律，燒舞茸湯，燕麥御飯同埋有3串蔬菜串串作為伴菜！店員溫馨提示一下叫我地將吉列牛放上個小型pan 上每邊煎3-4秒便可享用！😋😋我地好乖咁跟足指示去做，大約5成熟左右既肉質特別鮮美，肉汁都好濃郁，配埋燕麥飯一齊食，容易消化，oishi 呢！另外個安格斯牛野菜鍋燒烏冬定食（配野菜沙律🥗，溫泉玉子同燒舞茸湯）都好豐富，我超喜歡💕食菜同牛，所以呢個定食岩晒我口味！烏冬係用左日本既稻庭烏冬，好爽滑彈牙，仲配埋個溫泉玉子，一口吸晒個蛋黃，好爽！我地加埋2杯凍檸茶消化一下！大滿足！😌++++++++++++++++++++如果大家喜歡💕我寫既食評，麻煩比個❤️我鼓勵一下我