影片
更多
2024-12-24
0 瀏覽
而家街上面好多都係新式嘅Cafe，全部都係打卡為主，以前傳統Cafe真係買少見少，咁啱係旺角見到間就試下，一入到門口就見到成個櫃都係滿滿嘅board game，種類上都比較多，適合一班朋友上去玩而呢一間Cafe感覺上好似家庭式餐廳咁，由店主one man Band搞掂，店主個服務態度真係冇得頂，佢會keep住問我哋啱唔啱食好唔好食，最好笑係當我哋叫嘢飲嘅時候佢會同我哋講我哋叫嗰個水蜜桃奶昔唔好飲，叫我哋轉過另外一個，有邊間餐廳會咁樣溫馨提示🤣🤣🤣🤣嘢食方面，我哋叫咗 #卡邦尼煙三文魚 、#韓式牛肋條 同埋 #芝士薯條 首先每樣嘢食個份量都係超級大份，越食越有咁，我哋兩個人食都飽到食唔晒，個#卡邦尼煙三文魚 就配咗意粉，意粉煮到啱啱好，外層滑溜，內裡彈牙，吸收咗卡邦尼醬汁嘅味道，簡直係完美搭配而 #韓式牛肋條 嘅味道甜甜地，佢嘅汁更加好餸意粉，完全唔會膩，而牛肋條有啲部份就相對比較硬，但係絕大部份都係好軟腍腍，食落都唔錯至於 #芝士薯條 啲芝士好似唔使錢咁，食極都仲有，仲要做到拉絲感覺，好邪惡以而家香港嚟講，有人情味嘅小店真係越來越少，有一個咁樣嘅地方可以安安靜靜同朋友傾吓偈玩吓boa
而呢一間Cafe感覺上好似家庭式餐廳咁，由店主one man Band搞掂，店主個服務態度真係冇得頂，佢會keep住問我哋啱唔啱食好唔好食，最好笑係當我哋叫嘢飲嘅時候佢會同我哋講我哋叫嗰個水蜜桃奶昔唔好飲，叫我哋轉過另外一個，有邊間餐廳會咁樣溫馨提示🤣🤣🤣🤣
嘢食方面，我哋叫咗 #卡邦尼煙三文魚 、#韓式牛肋條 同埋 #芝士薯條
首先每樣嘢食個份量都係超級大份，越食越有咁，我哋兩個人食都飽到食唔晒，個#卡邦尼煙三文魚 就配咗意粉，意粉煮到啱啱好，外層滑溜，內裡彈牙，吸收咗卡邦尼醬汁嘅味道，簡直係完美搭配
而 #韓式牛肋條 嘅味道甜甜地，佢嘅汁更加好餸意粉，完全唔會膩，而牛肋條有啲部份就相對比較硬，但係絕大部份都係好軟腍腍，食落都唔錯
至於 #芝士薯條 啲芝士好似唔使錢咁，食極都仲有，仲要做到拉絲感覺，好邪惡
以而家香港嚟講，有人情味嘅小店真係越來越少，有一個咁樣嘅地方可以安安靜靜同朋友傾吓偈玩吓board game真係唔錯，最重要係店主嘅服務態度真係好好，佢當每一個客人好似朋友咁，會教我哋點樣去玩嗰個board game，呢樣真係難得
最後睇吓邊個可以挑戰到呢一款遊戲，成功將個人降落喺個墊度🤣🤣🤣如果想過嚟挑戰嘅話記得直接WhatsApp或者打電話俾店主 （61306631），因為店主都唔係成日開舖，有人WhatsApp佢book位先至會開
記得係世一兌換隔離呢條路行入去，紅色帳篷嗰個位入去就係𨋢口
張貼
