樂天經典 (已結業)

荔枝咕嚕肉 $95呢碟菜式色彩繽紛，咕嚕肉外脆內嫩啖啖肉，有口感，味道酸甜開胃，估唔到嘅係荔枝肉好多汁鮮甜👍🏻即使係細碟，都好多😍藥材燉走地雞湯$178呢度嘅湯選擇都好多，揀咗好耐決定都係藥材雞湯。食材非常豐富有沙參、玉竹、當歸、杞子、淮山、甘草、黨參、北芪、雞肉。雞肉都好多，分量十足。呢個湯底清甜，感覺好滋養。一盅大約有六碗，同朋友都好鍾意飲中湯，全部飲晒。非常推介中湯👍🏻👍🏻花雕雞油蒸螃蟹$368 (中)蟹既整法都有好多，見到平時好少可以直到花雕雞油，今次就揀佢啦。呢個整法可以食到螃蟹🦀的鮮味，有少少嘅酒味。椒鹽香酥鮮淮山 $58好鍾意食椒鹽嘅同淮山嘢食，今次竟然可以結合，一見到就即刻嗌左。呢碟菜好似椒鹽九肚魚嘅香味，中間保持淮山嘅濕度，外脆內有汁，感覺唔會熱氣。