吞POT 雞煲火鍋.住家菜

營業中

休息中

今個週末去旺角睇完屋企裝修啲嘢之後，就留咗喺旺角搵食🥳見到吞pot好高分，即刻打去訂枱，好彩都有得食🫶🏻前菜我哋叫咗個生蝦刺身，排得好整齊又大隻，食落好新鮮爽口🤤跟住就到主角麻辣雞煲，啲雞件都切得幾大件，煮耐咗都唔會覺得太老會柴皮，仲幾滑🤩調味亦都唔錯，唔會死咸。配菜方面，最中意都係十全大寶丸，分別係五款手打丸類各兩粒，五款都非常特別，尤其是黃金海膽黑墨丸🤣第一次食已經愛上😍鍾意食丸嘅朋友，一定唔可以錯過❗️整體所有嘢都好高質，一定會帶朋友再嚟。