點‧粵 (已結業)

餐廳環境寬敞舒適，係海旁附近，飲完茶散下步吹下海風好寫意～-招牌鴻運脆皮雞(半隻) $250脆皮雞係必食嘅推介菜式，由人手淋油炮製，外皮薄而香脆，雞肉新鮮嫩滑，雞肉本身有醃過味道微咸，如果想更加濃味仲可以落淮鹽同青檸汁，點左半隻雞兩人食份量剛好。-小黃瓜拌海蜇頭 $98海蜇好大件好厚肉，食落彈牙爽口，而小黃瓜爽脆清甜，拌入有麻油香味調配嘅醬料，好適合作為開胃前菜。-銀杏鮮腐竹扒時蔬 $118銀杏腐竹清菜湯好大碗好足料，時蔬係小棠菜，湯底微咸冇味精，係健康嘅菜式。-茶位 $13/ppl餐廳有四款茶品選擇，我揀左烏龍茶，飲落清香回甘，茶葉泡耐左都冇苦澀味，一壼已經夠飲好多杯。