Apinara

營業中

休息中

第二次食太古廣場呢間apinara, 環境座位好闊落企理，有個靚靚bar枱㗎，氣氛幾貴氣風😍今次嗌咗啲上次都冇嗌嘅嘢食，有芒果軟殼蟹米紙卷，紅咖喱和牛肋肉，大蝦蝦頭膏炒河粉。米子卷有六大嚿，個皮非常之晶瑩透薄，除咗面頭有大大隻炸軟殼蟹，每個米紙卷中心都有蟹肉㗎！加埋啲紅蔔蘿同菜食，好開胃！泰國嘅炒河粉零舍煙靭，濕炒得嚟又唔會黐住一pat pat, 啲蝦非常新鮮，肉質彈牙，呢碟好抵嗌！紅咖喱和牛肋肉我哋加咗兩塊印度薄餅，紅咖喱帶少少甜味，帶淡淡椰香，好好食呀！啲肉炆得好腍又超入味，塊數好多！配料仲有薯仔同花生。薄餅+紅咖喱真心絕佳配搭🤩下次要再黎又再嗌唔同野！