潮藝館

身為潮州人，要搵一間非常之地道嘅潮州菜式真係搵咗20年！今日發現咗呢一間位於iSquare嘅潮式餐廳，可以話媲美正宗潮汕嘅風味。👍🏻五小福如果想品嚐潮州嘅小食，呢個拼盤已經可以滿足到你嘅需要，一共五款：潮式炸粿肉、酒香醉鮑魚、椒麻糖心帶子串茄核桃沙律、話梅涼瓜！甜酸辣三種味覺都觸及得到，最印象深刻嘅肯定係綠色嘅椒麻醬搭配鮮甜嘅帶子，味道新穎帶刺激感；蕃茄多汁；鮑魚酒味清香，口感爽彈！👍🏻椒鹽白飯魚另一款潮州菜必點，白飯魚酥炸得不油膩，鹹香適中👍🏻潮州翅誠意爆棚，翅量夠多，翅身較粗，燉煮得非常入味，入口夠稠夠綿亦夠滑，湯汁亦濃似膠，滿滿嘅骨膠原，欣賞底部亦都有明火確保溫度。自己亦都可以隨意加入芫荽同埋香醋。👍🏻翡翠黃魚扒翠綠嘅蔬菜汁味道天然，感覺特別健康，黃魚扒煎香口脆身，底部放上蘆筍墊高魚肉，避免咗過於濕潤嘅情況！👍🏻獅頭鵝肉潮州菜點可以冇鵝肉？鵝肉皮薄肉嫩，滷水醇厚嘅滋味早已滲透係肉質之內，底部嘅豆腐亦都夠厚夠滑！👍🏻方魚芥蘭炒芥蘭最重要係多油先夠香，餐廳加入咗方魚作為鹹香嘅調味，口感脆嫩無渣，亦冇一般芥蘭常見嘅苦澀味，居然炒菜都可以咁出色！👍🏻層出不窮作為餐廳嘅招牌炒飯，當然有返咁