CHOKOHOOD (已結業)

車車一直都勁想試E間位於大坑嘅Chokohood, 今日同好姊妹係銅鑼灣食完lunch, 就拉埋佢一齊試下! 今日天氣超好, 陽光普照, 真係好岩係出面打卡, 小店有多款唔同嘅朱古力產品, 款款都勁想試, 最近我地揀左個Chokolicious Tea Set, 入面有五款甜點, 兩款鹹點, 仲包一杯價值$58既野飲, 想飲其他飲品只需補差價就得! 每件都做得相當精緻, 份量剛好好! 鹹點方面有三文魚西蘭花法式鹹撻同巴馬火腿黑醋汁牛角包三文治, 兩款質素都不錯, 牛角包外層幾脆帶咸香, 配搭黑醋食, 幾有層次感 甜點有香蕉朱古力焦糖餅批, 糖漬橙粒朱古力粒鬆餅配香橙柚子果醬, 紅桑子朱古力撻配時令水果, 伯爵紅茶朱古力焦糖燉蛋同脆皮朱古力泡芙, 朱古力甜品全部都做得好出色, 每款嘅朱古力味都好香濃, 甜度適中, 甜而不膩! 車車最中意佢個伯爵紅茶朱古力焦糖燉蛋同香蕉朱古力焦糖脆餅批, 前者係五款入面朱古力味最濃嘅一款, 茶味幾突出但又唔會遮擋左醇厚嘅朱古力味, 香蕉朱古力焦糖餅批向來都係車車幾中意嘅配搭嚟, 食落幾有層次感, 口感豐富!