千口甘甜品屋 (已結業)

自舊年中秋之後又再踏足大坑,冇嚟咁耐發覺呢度開咗好多食市,睇嚟又發現一個開飯熱點啦!因為天氣太熱關係決定要食返個冰凍甜品消吓暑.記得上次老婆堅持要去幫襯附近亞某某姐仔開嘅甜品屋,點知"0賴嘢"又貴又難食!今次決定搵第二間.咁啱經過呢間唔係好起眼嘅鋪,俾佢門口個大MENU啲相吸引咗入去.估唔間鋪仔細細啲款式都幾多,真係花多眼亂唔知點揀.最後有個"背心哥哥"介紹芒果腸粉,同埋新嘅蜜桃XX(唔記得個名)同西瓜盅個俾我地,佢仲話個西瓜盅係限量發售,我地有見及此一於唔執輸叫返個!個西瓜盅(原來叫繽紛樂園)一上檯大家都嘩一聲,個西瓜仔真係好得意,加上印象中好似好耐都冇見過西瓜盅,所以大家鬼咁興奮!淨係個賣相都攞晒分啦,有好多生果係入面,食落去,嘩!又夠甜又夠凍,亞"背心哥哥"話保證百份百冇落過糖水GA!不過咁熱嘅天時食個西瓜盅真係爽到爆芒果腸粉:真係好滑好甜,真係好鬼死似條腸粉蜜桃XX: 超凍(可能有啲芒果冰嘅關係)同好多蜜桃同芒果係入面,好香好甜!打氣啫喱:真係有好多可樂氣係個啫喱度,幾過癮!千口甘:大大碗雜果涼粉,仲有啲一粒粒嘅爆珠,好過癮!大家都覺得仲有好多嘢未試未夠喉,但要留肚食BUFFE